L-Ippjanar tas-Sigurtà

Tekniki komuni tal-ippjanar tas-sikurezza li huma importanti biex jgħinu jżommu lilek u lill-maħbubin tiegħek siguri fid-dar, online u meta tkun barra fit-triq.

Il-kontenut disponibbli fuq din il-websajt huwa għal finijiet edukattivi biss u ma jikkostitwixix pariri legali. Għal pariri legali jew emozzjonali bla ħlas u appoġġ rigward is-sitwazzjoni speċifika tiegħek, jekk jogħġbok ikkuntattja lil Victim Support Malta (21228333)

X’miżuri nista’ nieħu biex inkun sigur/a fit-triq?

Żomm ftit flus kontanti fuqek u evita li ġġorr karti tad-debitu/kreditu li m’għandekx bżonn.
Meta jkun possibbli, tivvjaġġax waħdek.
Timxix waħdek bil-lejl, u jekk ma tistax tagħmel mod ieħor, ipprova kun akkumpanjat/a minn xi ħadd.
Ipprova tilbisx ġojjellerija li tiswa ħafna flus meta tkun miexja/miexi fit-triq.
Meta tuża t-trasport pubbliku, ipprova oqgħod bilqegħda maġenb il-ħruġ.
Qiegħed kartieri u portmonijiet fejn ma jarahom ħadd u żomm il-basktijiet viċin tiegħek.
Meta tkun qed tivvjaġġa bil-karozza, dejjem sakkar il-bibien.
Evita l-użu tal-alkoħol għaliex ħafna drabi huwa fattur f’attakki sesswali.
Iltaqa’ ma’ nies ġodda f’postijiet pubbliċi.
F’każ ta’ periklu imminenti, għajjat “ħruq,” mhux “ajjut” jew “stupru” biex tattira lin-nies u tissoprendi lill-attakkant.
hux “ajjut” jew “stupru” biex tattira lin-nies u tissoprendi l-attakkant.

X’miżuri nista’ nieħu biex inżomm id-dar tiegħi sigura?

Biddel is-serraturi kollha meta tidħol f’dar ġdida u meta titlef iċ-ċwievet.
Il-bibien u t-twieqi għandhom jinżammu msakkra l-ħin kollu matul il-ġurnata u bil-lejl.
Waħħal apparat mal-bieb biex tkun tista’ tara min ġie qabel tiftaħ il-bieb.
Itlob dettalji speċifiċi qabel tiftaħ il-bieb għal nies li ma tkunx tafhom.
Waħħal katina biex tillimita kemm jinfetaħ il-bieb.
Waħħal serratura bi tliet ilsna biex issakkar, b’serraturi speċjali n-naħa ta’ fuq u t’isfel.
Qatt tħalli ċwievet fis-serraturi tal-bibien jew tat-twieqi.
Waħħal dwal bis-sensors quddiem il-bieb.
Installa allarm u kamera CCTV.
Waħħal ħġieġ double glazing.
Qis li n-numru tad-dar ikun ċar biex il-protezzjoni ċivili jsibu d-dar malajr f’każ ta’ emerġenza.

X’miżuri nista’ nieħu biex inkun sigur/a online?

Qatt tagħti l-passwords.
Biddel il-passwords kull ftit żmien.
Ħassar il-kronoloġija tal-kompjuter permezz tas-'settings' tal-brawżers tal-web, jekk ma tixtieqx li xi ħadd ikun jaf x’websajts aċċessajt.
Illoggja ’l barra minn kull kont li tuża.
Dejjem ħassar il-kronoloġija wara li tuża kompjuter pubbliku.
Installa protezzjoni ta’ softwer affidabbli.
Itlob lil xi ħadd professjonali jispezzjona l-kompjuter tiegħek għal spyware u viruses.
Ipproteġi l-internet bla fili.
Qatt tippostja xi ħaġa online li tista’ tagħmel diżunur lilek jew lill-oħrajn.
Ftakar li kwalunkwe informazzjoni ppostjata ssir informazzjoni pubblika.
Irreġistra u rrapporta kull insegwiment malizzjuż fuq l-internet (cyber stalking).
Issorvelja lit-tfal meta jkunu qed jibbrawżjaw l-internet.